Azərbaycan Respublikası xarici siyasətinin prioritetləri

• Bazar iqtisadiyyatı və qanunun aliliyinə əsaslanan plüralist demokratiyanı inkişaf etdirmək;
  
  
  
• Azərbaycanın ərazi bütövlüyü və suverenliyinin tezliklə bərpa edilməsinə yönəldilmiş müstəqil xarici siyasət yeritmək;
  
  
• Azərbaycanın təhlükəsizliyi, siyasi müstəqilliyi, suverenliyi və ərazi bütövlüyünə qarşı yönəldilmiş təhdid və təhlükənin aradan qaldırılması;
  
  
• Ermənistan-Azərbaycan Dağlıq Qarabağ münaqişəsinin ATƏT-in Lissabon sammiti prinsipləri əsasında ATƏT-in Minsk qrupu çərçivəsində danışıqlar yolu ilə həll edilməsi;
  
  
• Ermənistanın Azərbaycana qarşı hərbi təcavüzünün nəticələrinin aradan qaldırılması;
  
  
• Qonşu ölkələrlə mehriban qonşuluq və qarşılıqlı fayda kəsb edən münasibətlərin inkişaf etdirilməsi;
  
  
• Regionda təhlükəsizliyin və sabitliyin gücləndirilməsi;
  
  
• Regionda qanunsuz silah və digər daşımaların qarşısının alınması;
  
  
• Nüvə silahlarının qarşısının alınmasına dair mövcud olan qlobal rejimlərə sadiqlik və Cənubi Qafqazda nüvə silahlarından azad zonanın yaradılması;
  
  
• Xəzər dənizi hövzəsinin demilitarizasiyası;
  
  
• NATO, Avropa Birliyi, Qərbi Avropa İttifaqı və Avropa Şurası da daxil olmaqla Avropa və Transatlantik təhlükəsizlik və əməkdaşlıq təsisatlarına inteqrasiya;
  
  
• Azərbaycanın Qərb və Şərqin qovşağında yerləşməklə mühüm strateji-coğrafi mövqeyindən bəhrələnərək, ölkə iqtisadiyyatının müxtəlif sahələrinin inkişafını sürətləndirmək;
  
  
• Azərbaycanın iştirakçısı olduğu Avrasiya nəqliyyat dəhlizini inkişaf etdirmək.